Bataferli: Því fyrr sem einstaklingar leita til lækninga og þora að segja frá því meiri eru líkurnar á því að ná góðum bata. Það er vel hægt að ná góðum bata þó svo að sjúkdómurinn hafi staðið yfir lengi. Þar sem sjúkdómurinn hefur bæði líkamleg og geðræn einkenni þarf meðferðin að fara fram hjá bæði lækni og sálfræðingi, einnig er mjög hjálplegt að hafa samband við næringarráðgjafa og sjúkraþjálfara. Það þarf að fara fram viðtalsmeðferð, fjölskyldusamtöl og foreldraráðgjöf. Stundum er nauðsynlegt að fá lyf við þunglyndi eða erfiðum þráhyggju- og áráttueinkennum. Það er líka hægt að fá meðferð án innlagnar hjá heimilislækni, geðlækni eða sálfræðingi sem hefur reynslu af því að meðhöndla sjúkdóminn og því sem fylgir.